ഇതു കൊണ്ടാണ് ചില്ലു സ്കെയിലുകളെ ഞാൻ വെറുക്കുന്നത്...!

സ്നേഹം കാണിക്കുന്നവർ 
മനസ്സിനെ ഒരു ചില്ലുസ്കെയിലാക്കി 
എന്റെ ജീവിതത്തെ അളന്നു മുറിക്കുന്നവർ 

നീളം കൂടുതലെങ്കിൽ
വണ്ണം കൂടുതലെങ്കിൽ
കനവും കൂടുതലെങ്കിൽ
സ്നേഹത്തിന്റെ വിസ്മയക്കണ്ണാടി കാട്ടി
പാൽ വെളുപ്പിൽ ചിരിക്കുന്നവർ

നീളമോ വണ്ണമോ
അല്പം കുറഞ്ഞു പോയാൽ
മുഖം കറുത്ത് കയർക്കുന്നവർ...!

ഇനിയെങ്കിലും ആ ചില്ലുസ്കെയിലുകൾ
മാറ്റി വെയ്ച്ചു കൂടെ?
ചില്ലുകൾക്ക് വികാരങ്ങളില്ല
കൂർത്തു മൂർത്ത അറ്റങ്ങളെ ഉള്ളു ...