Thursday, December 2, 2010

നിന്റെ മനസ്സിലേക്ക് പടരാതിരിക്കാന്‍ .

ഞാനെരിയുന്ന ചിതക്കരികില്‍ നീ വന്നു നിക്കുമ്പോള്‍ ...
അഗ്നിയോടു പറയണം എന്നെ വേദനിപ്പിക്കാതിരിക്കാന്‍ .
എന്റെ ഓരോ കണങ്ങളില്‍ നിന്നുമുയരുന്ന
പുകപടലങ്ങലോടു പറയണം എന്നെ ശ്വാസം മുട്ടിക്കാതിരിക്കാന്‍...
നിന്നെ നോക്കി ചിരിക്കുന്ന കനലിനോടു പറയണം ...
എന്റെ ഹൃദയത്തെ ഉരുക്കിക്കളയാതിരിക്കാന്‍.
ഒരു പിടിയിലമരുന്ന വെണ്ണിരിനോടോതണം ...
എന്റെ ചിന്തകളെ മറയ്ക്കാതിരിക്കാന്‍...
പിന്നെ അസ്ഥികള്‍ പെറുക്കുമ്പോള്‍...
അവയ്ക്കിടയില്‍ കൊച്ചു കുറിഞ്ഞിപ്പൂക്കള്‍ കണ്ടാല്‍
അവയോടു പറയണം നിന്റെ മനസ്സിലേക്ക് പടരാതിരിക്കാന്‍ ...