നിന്റെ വികാരത്തിന്റെ ചാട്ടുളികള്
വന്നു തറച്ചത് എന്റെ കണ്ണുകളിലായിരുന്നു...
ചോര ചീറി അന്ധനായി ഞാനലഞ്ഞു ..
നിന്റെ അസ്ത്രങ്ങള്ക്ക് പിന്നില് ,
കാറ്റിന്റെ പ്രവേഗത്തില്..പ്രണയമെന്നു
തെറ്റിദ്ധരിക്കപ്പെടാവുന്ന..
കാമത്തിന്റെ തീക്ഷണതയില് ...!
നിന്റെ വരുണാസ്ത്രങ്ങള് എന്നെ
സ്വപ്നമഴയില് ഈറനുടുപ്പിച്ചു ..
നീ തൊടുത്ത ആഗ്നേയാസ്ത്രങ്ങള്
എന്റെ മനസ്സിനെ ആളിക്കത്തിച്ചു ..
നിന്റെ സൂര്യ ബാണങ്ങള് എന്റെ
എന്റെ തൊലിക്കടിയില് ചൂടിന്റെ
മുള്ക്കിടക്കകല് വിരിച്ചു ..
നിന്റെ സംമോഹനാസ്ട്രങ്ങള് ,
മായയുടെ മന്ത്രങ്ങള് ചൊല്ലി
എന്റെ കിനാക്കളെ പൂവണിയിച്ചു
നിന്റെ പാശുപതാസ്ട്രം..
എന്റെ ജീവനെ നിന്റെ വികാരങ്ങളുടെ
അടിമയാക്കി വിലങ്ങുകളില് കെട്ടിവലിച്ചു
പിന്നെ...നിന്റെ ബ്രഹ്മാസ്ത്രം
എന്റെ വികാരങ്ങളെ വെറുമൊരു ശിലയാക്കി
ഒടുങ്ങാത്ത സ്വപ്നങ്ങളുടെ
തീരാത്ത പ്രണയത്തിന്റെ
കാണാക്കയങ്ങളിലെക്ക് വലിച്ചെറിഞ്ഞു
നിന്നെ പ്രേമിച്ച നാളുകളില്ഞാന് തനിച്ചായിരുന്നു... ഇന്നെനിക്ക് നീയുണ്ട്..എന്റെ പ്രണയമില്ല.......
Thursday, June 16, 2011
Thursday, June 9, 2011
അറിയൂ നീയോമനേ..
നീയറിഞ്ഞില്ലയെന്, മനസ്സിന്റെ പൂമരം
പൂത്തതും നിനക്കായ് തുടിച്ചു നിന്നതും
നീയറിഞ്ഞില്ലയെന്, ഹൃദയത്തിന് ശംഖുപുഷ്പം
വിടര്ന്നതും നിനക്കായ് തേന് നിറച്ചതും ..
നീ തൊട്ട ശിലയന്നു ഗന്ധര്വനായതും
പൂത്തിരുവാതിര തീരാതിരുന്നതും
മാകന്ദ ഗന്ധം മരിക്കാതിരുന്നതും
രാത്രി മഴയന്നു തോരാതിരുന്നതും ,
നിന് സ്നേഹമുല്ല തന് വല്ലിപ്പടര്പ്പിന്റെ
പ്രണയ ശ്വാസങ്ങളില് ...
ഇഴപിരിഞൊട്ടിയ സ്വപ്നകൂപങ്ങളില്
ഇന്നുമീ നേരങ്ങള് നിന്റെ കണ്പീലികള്
തേടി നടക്കുന്ന ഗന്ധര്വ യാമങ്ങള് ..
നിന്റെ കൈവെള്ളകള്..മോഹങ്ങള്
പേറുന്ന തൂവല് കിടക്കകള് ...
നിന്റെ കാല്വിരലുകള് ..ഓര്മ്മകള്
പൂവിടും ചെമ്പകത്തണ്ടുകള്
എന്നിട്ടുമെന്തേ നീ
മോഹത്തിന് ദര്ഭമുനകള് പറിചെറിഞ്ഞിടുന്നു
പ്രണയത്തിന് ഗര്ഭഭിത്തികള് തകര്ത്തിടുന്നു
ജന്മാന്തരങ്ങളായ് നമ്മളില് നിറയുന്ന
ചെമ്പകപ്പൂമണം അകറ്റിടുന്നു
അറിയൂ നീയോമനേ..
നിന്റെ പൂമ്പാറ്റകള്
തേടുന്ന പൂക്കള് ,വിടരുന്നയാരാമം ഇതു തന്നെയെന്ന്..
ഇതു മാത്രമെന്ന്...!
Friday, June 3, 2011
ലോവേസ്റ്റ് ജീന്സ്
എന്റെ ചില സുഹൃത്തുക്കള് എന്നെ വിട്ടു പോയത്
പ്രണയത്തെ ഞാന് ലോ വേസ്റ്റ് ജീന്സ് എന്ന പേരിട്ട് വിളിച്ചത് കൊണ്ടാണ് !
മുന്നോട്ടു പോകും തോറും താഴേക്കിരങ്ങുകയും ...
നല്ലതെന്ന് കരുതിയതൊക്കെയും നല്ലതല്ലെന്ന് മനസ്സിലാക്കി തരുകയും ..
ചെയ്യുന്ന പ്രണയത്തെ ഞാന് മറ്റെന്തു പേരാണ് വിളിക്കേണ്ടത് ??
അവരുടെ ചിന്തകളില് പ്രണയത്തിനു തുമ്പപ്പൂവിന്റെ മണവും
കാട്ടാറിന്റെ കുളിര്മയുമായിരുന്നു!
ഒരു കാലവര്ഷക്കാലത്ത് കുനിഞ്ഞു നില്ക്കുന്ന
ചേമ്പിലയില് ഉരുന്ടിറങ്ങിയ വെള്ളത്തുള്ളിയുടെ പരിശുദ്ധിയായിരുന്നു..!
മുഷിഞ്ഞ മണവും പേറി , മേലാകെ കറകളുള്ള, കീറലുള്ള
പിങ്ക് നിറത്തിലുള്ള അടിവസ്ത്രം പൊളിച്ചു കാട്ടുന്ന നിഷേധിയായ
പ്രണയത്തെ അവര്ക്കറിയില്ലായിരുന്നു ..!
അവരരിഞ്ഞ തുമ്പപൂ മണം ഡിയൊദരിന്ടിന്റെതാനെന്നും
കുളിര്മ വിദേശ നിര്മ്മിത ബോഡി ലോഷന്റെതാണെന്നും
പരിശുദ്ധി ഒരൊഴിഞ്ഞ പോളിത്തീന് കവറു പോലെ
നഗ്നമായിരുന്നുവെന്നും അറിയുമ്പോഴേക്കും ...
ഇറങ്ങി വന്നു കഴിഞ്ഞിരിക്കും..ആ ലോ വേസ്റ്റ് ജീന്സ് ...കാല്മുട്ട് വരേയ്ക്കും !!!
Thursday, June 2, 2011
മരുഭൂമികള് ഉണ്ടായത്
നിന്റെ ഹൃദയത്തിന്റെ വിങ്ങല്
എന്റെ കാമത്തിന്റെ ചോറ്റുപാത്രത്തിലെ
എച്ചിലുകലായി ..മനസ്സിന്റെ ചോര ചിന്തിയ ഭിത്തികളില്
പറ്റിപ്പിടിച്ചു കിടന്നു ...
ചിന്തകളുടെ സ്ഖലനം കഴിഞ്ഞ്
ഭോഗാലസ്യത്തിലേക്ക് വഴുതി വീണപ്പോള്
പ്രണയത്തിന്റെ നാമ്പുകള് തലപൊക്കി നോക്കി
ഒരാത്മനിന്ദയോടെ തലകുനിച്ചു നിന്നു..
ഒരിക്കലും പ്രണയിക്കാനാവാത്ത മനസ്സിന്റെ പ്രേതം
ഹോര്മോണ്കളായി സിരകളില് രതിയുടെ
പേക്കൂത്ത് നടത്തി ...
പിന്നെ തളര്ന്നുറങ്ങുമ്പോള്, എന്റെയീ വെറും മാംസപിണ്ടത്ത്തില്
ഈച്ചകള് കുരുതിക്കളം തീരത്ത് ഉറഞ്ഞു തുള്ളി
ഒടുക്കം ആരോ എടുത്ത് ...
അറവു മാലിന്യം തള്ളുന്ന കുഴിയില് വെട്ടി മൂടി
അങ്ങനെയാണ് മരുഭൂമികള് ഉണ്ടായത് ..!!!
Monday, May 23, 2011
ഓര്മ
ഓര്മയുടെ ജനാലപ്പാളികള് അടര്ന്നു വീണു
ചതഞ്ഞു മരിച്ച മനസ്സിന്റെ അവസാനത്തെ
മോഹമായി നിന്റെ ചില്ല് പൊട്ടിയ ചിത്രം
ചുമരില് തൂങ്ങിക്കിടന്നു..
നിന്റെ ചുവന്ന നിറത്തിലുള്ള കണ്ണുനീര്
ഒലിച്ചിറങ്ങി നിലത്തെ വിണ്ടു പൊട്ടിയ
വിടവുകളില് വടുക്കളായ് മലര്ന്നു കിടന്നു
നിന്റെ നിശ്വാസങ്ങള് പൊടിക്കൂമ്പാരങ്ങളെ
വകഞ്ഞു മാറ്റി മാറാലകളെ ഇഴ പൊട്ടിച്ച്
നിലവറയില് നിറഞ്ഞു നിന്നു..
നിന്റെ നോട്ടം ഒരു തീക്ഷ്ണ രശ്മിയേക്കാള് ഘനം പൂണ്ട്
വാതില്പ്പാളികല്ക്കിടയിലൂടെ എന്റെ
ദേഹത്തെ കുത്തി നോവിച്ചു
നിന്റെ കാലടിയൊച്ചകള്
മച്ചിന്റെ മുകളിലെ മരപ്പട്ടിയുടെ രൂപമെടുത്ത്
എന്റെ പ്രണയ നൊമ്പരങ്ങളെ തല്ലിയോടിച്ചു
പിന്നെ നിന്റെ സ്വപ്നങ്ങള് അറയ്ക്കകത്തെ
വാളും ചിലമ്പുമണിന്ജ് എന്റെ മരിച്ച മനസ്സിനെ
വീണ്ടും വരഞ്ഞു കൊന്നു ...
ചതഞ്ഞു മരിച്ച മനസ്സിന്റെ അവസാനത്തെ
മോഹമായി നിന്റെ ചില്ല് പൊട്ടിയ ചിത്രം
ചുമരില് തൂങ്ങിക്കിടന്നു..
നിന്റെ ചുവന്ന നിറത്തിലുള്ള കണ്ണുനീര്
ഒലിച്ചിറങ്ങി നിലത്തെ വിണ്ടു പൊട്ടിയ
വിടവുകളില് വടുക്കളായ് മലര്ന്നു കിടന്നു
നിന്റെ നിശ്വാസങ്ങള് പൊടിക്കൂമ്പാരങ്ങളെ
വകഞ്ഞു മാറ്റി മാറാലകളെ ഇഴ പൊട്ടിച്ച്
നിലവറയില് നിറഞ്ഞു നിന്നു..
നിന്റെ നോട്ടം ഒരു തീക്ഷ്ണ രശ്മിയേക്കാള് ഘനം പൂണ്ട്
വാതില്പ്പാളികല്ക്കിടയിലൂടെ എന്റെ
ദേഹത്തെ കുത്തി നോവിച്ചു
നിന്റെ കാലടിയൊച്ചകള്
മച്ചിന്റെ മുകളിലെ മരപ്പട്ടിയുടെ രൂപമെടുത്ത്
എന്റെ പ്രണയ നൊമ്പരങ്ങളെ തല്ലിയോടിച്ചു
പിന്നെ നിന്റെ സ്വപ്നങ്ങള് അറയ്ക്കകത്തെ
വാളും ചിലമ്പുമണിന്ജ് എന്റെ മരിച്ച മനസ്സിനെ
വീണ്ടും വരഞ്ഞു കൊന്നു ...
Wednesday, May 11, 2011
കൃഷ്ണതുളസി
നിന്റെ പ്രണയത്തിന്റെ തീച്ചൂളക്കരികില്
നിന്ന ഒരു കൊച്ചു കൃഷ്ണതുളസി ..!
ഉഷ്ണമേറ്റു പിടഞ്ഞപ്പോഴും
ചിരിയോടെ നിന്ന്
നിന്റെ മുടിത്തുമ്പില്
മായാത്ത സുഗന്ധമായ്
ഹൃദയത്തില് വറ്റാത്ത സ്നേഹമായ്
കനവില് കനകവര്ണമായ്
നിറഞ്ഞു..
പിന്നെ നിന്റെ വരണമാല്യത്തിന്റെ ചന്തമായ്
ഏതോ അറിയാത്ത വഴിവക്കില് അനാഥനായി ..
Friday, January 7, 2011
ആള്കൂട്ടം
ഉറങ്ങിയെണീറ്റു നോക്കിയപ്പോള്ഏതോ ഒരു സ്റ്റേഷനാണ്..
പുളിക്കുന്ന കണ്ണുകള് കൊണ്ട്
ആദ്യം കണ്ടത് ഒരാള്കൂട്ടമാണ്
അടുത്ത പാളത്തിന്നരികിലായി..
കറുത്തു മെലിഞ്ഞ
കുറേ കാലുകള്ക്കിടയിലൂടെ
ഞാനും കണ്ടു..
ഒരു സ്വപ്നം അടര്ന്നു വീണു കിടക്കുന്നത്... !
സ്വപ്നത്തിന്റെ നിറം ചുവപ്പാണെന്ന്
ആദ്യമായി തിരിച്ചറിഞ്ഞതും അന്നു തന്നെയാണ്.
പുളിക്കുന്ന കണ്ണുകള് കൊണ്ട്
ആദ്യം കണ്ടത് ഒരാള്കൂട്ടമാണ്
അടുത്ത പാളത്തിന്നരികിലായി..
കറുത്തു മെലിഞ്ഞ
കുറേ കാലുകള്ക്കിടയിലൂടെ
ഞാനും കണ്ടു..
ഒരു സ്വപ്നം അടര്ന്നു വീണു കിടക്കുന്നത്... !
സ്വപ്നത്തിന്റെ നിറം ചുവപ്പാണെന്ന്
ആദ്യമായി തിരിച്ചറിഞ്ഞതും അന്നു തന്നെയാണ്.
Friday, December 24, 2010
വെണ്ശംഖുകള് ഉണ്ടാകുന്നത്
ഹൃദയം ഒരുനാള് മെഴുകായുരുകി
നിന് പ്രണയത്തിന് ചൂടില് പുഴയായൊഴുകി
പുഴയിലെയോളങ്ങള് പോലെ വികാരങ്ങള്
അല തല്ലിയോഴുകാന് തുടങ്ങി ...
ഇരുകരയിലുമായ് നിന് മുല്ലവള്ളികള്
പൂത്തു തളിര്ക്കാന് തുടങ്ങി ..
പിന്നൊരു പൂമാല പണിയാനൊരുങ്ങി.
ഇരു ഹൃദയങ്ങളുമൊന്നായ് മാറി ...
ഇഴചേര്ന്നോഴുകാന് തുടങ്ങി.
വേനല് വന്നിട്ടും വസന്തം പിറന്നിട്ടും
വറ്റാതെ വരളാതെയൊഴുകി..
പുഴ പിന്നൊരുനാളാഴിയിലെത്തി..
ആഴി തന് കുളിരില് ഹൃദയങ്ങളായി ..!
വീണ്ടും വെണ്ശംഖുകളായി ജനിച്ചു..
പിന്നെ പ്രണയപ്രതീകമായ് നിന്നു ....
നിന് പ്രണയത്തിന് ചൂടില് പുഴയായൊഴുകി
പുഴയിലെയോളങ്ങള് പോലെ വികാരങ്ങള്
അല തല്ലിയോഴുകാന് തുടങ്ങി ...
ഇരുകരയിലുമായ് നിന് മുല്ലവള്ളികള്
പൂത്തു തളിര്ക്കാന് തുടങ്ങി ..
പിന്നൊരു പൂമാല പണിയാനൊരുങ്ങി.
ഇരു ഹൃദയങ്ങളുമൊന്നായ് മാറി ...
ഇഴചേര്ന്നോഴുകാന് തുടങ്ങി.
വേനല് വന്നിട്ടും വസന്തം പിറന്നിട്ടും
വറ്റാതെ വരളാതെയൊഴുകി..
പുഴ പിന്നൊരുനാളാഴിയിലെത്തി..
ആഴി തന് കുളിരില് ഹൃദയങ്ങളായി ..!
വീണ്ടും വെണ്ശംഖുകളായി ജനിച്ചു..
പിന്നെ പ്രണയപ്രതീകമായ് നിന്നു ....
Thursday, December 2, 2010
നിന്റെ മനസ്സിലേക്ക് പടരാതിരിക്കാന് .
ഞാനെരിയുന്ന ചിതക്കരികില് നീ വന്നു നിക്കുമ്പോള് ...
അഗ്നിയോടു പറയണം എന്നെ വേദനിപ്പിക്കാതിരിക്കാന് .
എന്റെ ഓരോ കണങ്ങളില് നിന്നുമുയരുന്ന
പുകപടലങ്ങലോടു പറയണം എന്നെ ശ്വാസം മുട്ടിക്കാതിരിക്കാന്...
നിന്നെ നോക്കി ചിരിക്കുന്ന കനലിനോടു പറയണം ...
എന്റെ ഹൃദയത്തെ ഉരുക്കിക്കളയാതിരിക്കാന്.
ഒരു പിടിയിലമരുന്ന വെണ്ണിരിനോടോതണം ...
എന്റെ ചിന്തകളെ മറയ്ക്കാതിരിക്കാന്...
പിന്നെ അസ്ഥികള് പെറുക്കുമ്പോള്...
അവയ്ക്കിടയില് കൊച്ചു കുറിഞ്ഞിപ്പൂക്കള് കണ്ടാല്
അവയോടു പറയണം നിന്റെ മനസ്സിലേക്ക് പടരാതിരിക്കാന് ...
Tuesday, November 30, 2010
കിടക്കവിരിയില് വീണ ചുളിവുകള്
ഇന്നലെ രാത്രിയില്
നിന്റെ സ്വപ്നത്തില് കടന്നു പോയ ...
ആയിരം പൂമ്പാറ്റകളില് ഒന്ന് ഞാനായിരുന്നു ..
പിന്നെ നീ കൈകള് മുറുക്കിപ്പിടിച്ച്പ്പോള്
അറിയാതെ ചുംബനങ്ങള് തന്നപ്പോള് ..
തിരിഞ്ഞും മറിഞ്ഞും കിടന്നപ്പോള് ...
കിടക്ക വിരിയില് വീണ ചുളിവുകള്ക്ക്..
ഇന്നലെ രാത്രിയിലെ എന്റെ കിടക്ക വിരിയിലെ
ചുളിവുകളുടെ അതേ രൂപമായിരുന്നു...!
Tuesday, November 23, 2010
ഇനി സുനാമികള് വരാതിരിക്കട്ടെ !
പ്രണയം സുനാമികള് പോലെ ....
വരുന്നത് ഓര്ക്കാപ്പുറത്ത് ആയിരിക്കും .
അതിഘോരമായി ...അലയടിച്ച്
പിന്നെ ജീവനും കാര്ന്നു തിന്ന് മടങ്ങും ..!
മോഹങ്ങളെ മുക്കിക്കൊന്ന് ,
ഇഷ്ടങ്ങളെ ശ്വാസംമുട്ടിച്ച് ,
സുനാമി തിരിച്ചു പോകും ...
ഇനി സുനാമികള് വരാതിരിക്കട്ടെ !
Friday, November 12, 2010
നവയുഗ ദമ്പതികള്
സെമിനാറുകള്ക്കും പ്രസന്റെഷനുകള്ക്കും മദ്ധ്യേ
ഞങ്ങള് കണ്ടുമുട്ടി ....
വിമാനത്തിന്റെ ഗോവണിപ്പടികളില് ...
വട്ടമേശയുടെ എതിര്ഭാഗങ്ങളില് ...
പിസ്സാ കോര്ണറിലെ ചുവപ്പ് പിടിച്ച കസേരകളില് ...
ഹൈവെയിലെ തിരക്കുപിടിച്ച ആള്ക്കൂട്ടത്തിനു നടുവില് ....
കോണ്കോളുകളുടെ ഘനം പിടിപ്പിക്കുന്ന ചൂടില് ....
പിന്നെ ചിലപ്പോള് കോക്ക്ടയ്ല് പാര്ടികളുടെ
ഭ്രമാത്മകമായ ആഘോഷവേളകളില്...
പിന്നെ എന്നും ഒരു കട്ടിലിന്റെ രണ്ട്ട് ധ്രൂവങ്ങളിലായി..!
കാരണം ......
നിന്റെ മടിതട്ടുകള്ക്ക് ലാപ് ടോപിന്റെ ചൂടും
നിന്റെ ചെവികള്ക്ക് ബ്ലൂടൂത്തിന്റെ ഗന്ധവുമായിരുന്നു
നിന്റെ നോട്ടങ്ങള്ക്ക് ഒരു ഹിദ്ദന് കാമറയുടെ ക്രൂരതയും
നിന്റെ സ്പര്ശങ്ങള്ക്ക് ഒരു ലേസര് രശ്മിയുടെ തീക്ഷനതയുമായിരുന്നു
ഒരിക്കലുമടുക്കാത്ത രണ്ടു കാന്തിക മണ്ഡലങ്ങള് പോലെ ..
ഞങ്ങള് രണ്ടു ബാല്കനികളിലായി രണ്ടു ഭാഗത്തേക്ക് നോക്കി നിന്നു!!!
സമര്പ്പണം - ഒന്ന് കാണാന് പോലും നേരമില്ലാത്ത നവയുഗ ദമ്പതികള്ക്ക്
Sunday, November 7, 2010
ചിന്തകള് വഴി പിരിഞ്ഞത് ..
എന്തിനാണ് വന്നതെന്ന് മനസ്സിലായില്ല ...
പക്ഷെ ...അവള്ക്ക് എന്റെ കവിത വേണമായിരുന്നു ..
കവിതക്കുള്ളിലെ അര്ഥം വെച്ചുള്ള നോട്ടം വേണമായിരുന്നു ...
ആരെയും ചൂഴ്ന്നെടുക്കുന്ന കടുപ്പം വേണമായിരുന്നു ..
പ്രണയത്തിന്റെ ചുടുനിശ്വാസം വേണമായിരുന്നു ...
ഇതെല്ലാം കൊടുക്കാന് ഞാന് തയ്യാറുമായിരുന്നു..
എന്റെ സ്നേഹവും എന്റെ കവിതകളും ഒരൊഴിഞ്ഞ
സമ്മാനമാണ് എന്നറിഞ്ഞു കൊണ്ടു തന്നെ...
പക്ഷെ എന്റെ വഴികള് കാട്ടുവഴികളും..
അവളുടേത് നാട്ടുവഴികളുമായിരുന്നു..
എന്റെ പ്രണയം അന്ധവും...
അവളുടേത് അനന്തവുമായിരുന്നു !
അര്ഥം ഒന്നായിരുന്നെങ്കിലും ...
വാക്കുകള്ക്ക് ദിശ വേറെയായിരുന്നു !!
അവിടെ വെച്ചായിരിക്കാം ഞങ്ങളുടെ ചിന്തകള് വഴി പിരിഞ്ഞത് ...
ഒടുവില് ആര്ക്കോ വേണ്ടി ജീവിച്ചു മരിച്ചത് ....
Monday, October 25, 2010
Subscribe to:
Posts (Atom)
