ചില്ലു കൂട്ടിൽ വെച്ച വേശ്യകളെപ്പോലെയാണ്
ചിലർ മുഖപുസ്തകത്തിലെ പെണ്ണുങ്ങളെ കാണുന്നത്
മിന്നി നിൽക്കുന്ന പച്ച ബൾബ്
കാമത്തിന്റെ തടുക്കാനാവാത്ത സ്രോതസ്സ് !!!
പിന്നെ വില പേശൽ തുടങ്ങുകയായി
ആദ്യം സ്മൈലികളിൽ , നിരുപദ്രവകരം
എന്ന് തോന്നുന്ന കുശല സംഭാഷണങ്ങളിൽ ...
മനസ്സിൽ കാമത്തിന്റെ എച്ചിലുകൾ പേറി ,
മുഖം മോണിട്ടറുകൾക്ക് വാടകയ്ക്കു കൊടുത്ത്
തെരുവുകളിൽ അലഞ്ഞു തിരിയും ..
കണ്ണുകൾ പരുന്തിന്റെ കാൽ നഖങ്ങൾ
പോലെയാക്കി, പക്ഷിക്കുഞ്ഞുങ്ങളെ
റാഞ്ചിയെടുത്ത് അവർ വിദൂരതയിലേയ്ക്ക് പറക്കും .
പിന്നെ ചോര വലിച്ചു കുടിച്ച്,
ഉയരങ്ങളിൽ നിന്ന് താഴേയ്ക്കെറിയും !!!
അപ്പോളും കുറെ പേർ ലൈക്കും ഷെയറും ചെയ്യും
പിന്നെ ചില കമന്റുകളിലൂടെ ബാക്കിയുള്ള ചോരയും ഊറ്റിക്കുടിക്കും !!
No comments:
Post a Comment